SALMO 107 ORASHON

TATA MI TA ALABABO , KOMO BO TA BON Y BO AMOR TA DURA ETERNO.

MARE MAS HENDE POR A PAPIA ASINA AKI DI BO TATA SANTU, VOORAL ESNAN KU BO A SALI PE Y SALBANAN ORA NAN A KAI DEN MAN DI NAN ENEMIGUNAN.

TATA PESEI MI TA ALABA BO PASO MI SA BON BON KU TA ABO A SALBA AMI Y MI FAMIA FOR DI MAN DI NOS ENEMIGUNAN. ORA E ENEMIGU A SERA NOS DEN DESIERTO DEN MONDI SEKU, SIN KU NOS POR A HANJA KAMINDA PA HABITÁ. ABO A SALI PA NOS Y RESKATA NOS FOR DI MAN DI NOS ENEMIGUNAN.

TATA SELESTIAL DEN MI ANSHA MI A SKLAMA NA BO Y BO A SAKA NOS FOR DI PÈRTA, TA PESEI MI TA SKLAMA NA ABO ATROBE TATA, PA BO SAKAMI Y MI FAMIA FOR DI PÈRTA.

MIRA KON NAN TA MENASA MI YIU KU VIOLENSHA, TATA ABO TUMA VENGANSA PA MI SALI KONTRA NAN Y LAGA NAN PLANNAN FRAKASA. SKAPA MI YIU FOR DI MAN DI TIRANONAN Y LAGA MI YIU KWE KAMINDA DRECHI PA ASINA E ALKANSA SALBASHON DEN BO YIU KRISTU HESUS.

TATA NOS TA GABABO, PA BO BONDAT, PA BO MILAGERNAN HASI NA YIUNAN DI HENDE. PASO ABO SEMPER A DUNA HENDE KU SET DI BEBE, HENDE KU HAMBER BO A KOLME KU BO BIENNANAN.

TATA KADA SKURIDAT KU NOS POR TA ADEN SAKA NOS SEÑOR KU BO MAN PODEROSO, SAKA NOS FOR DI TUR TINIEBLA PROFUNDO, NO LAGA KU E AÑA AKI KADENA DI TRISTESA TA NOS PORSHON, PERO LIBRA NOS, HASI NOS LIBER.

TATA SELESTIAL LAGA TUR LOKE KU TA DEN NOS, KU NO KE TENDE DI BO, SALI FOR DI NOS PADEN. HALA AMI Y MI FAMIA SERKA DI BO TATA. SIÑA NOS BIRA LOMBA PA E MUNDU Y KUMINSA DEDIKA MAS TEMPU NA ABO SEÑOR HESUS.

LAGA KU ORA NOS YAMABO DEN NOS ANSHA TATA SELESTIAL, ABO ROSPONDE NOS KU KANDELA SEÑOR Y SAKA NOS FOR DI TUR PÈRTA. SAKA NOS FOR DI TUR SKURIDAT Y TINIEBLA PROFUNDO.

PA ASINA NOS POR GABA BO PA BO BONDAT, PA BO MILAGERNAN HASI NA YIUNAN DI HENDE. PASO ABO TATA TA KIBRA PORTANAN DI BRÒNS Y TA PLAMA RÈNDUNAN DI HERU NA WÈRKI.

PESEI MI TA PIDIBO KADA PORTA DI BRÒNS Y DI RÈNDUNAN DI HERU, KU TA PARA DILANTI DI MI NEGOSHI, PA STROBAMI PROGRESA, TATA BASHANAN ABOUW DEN NÒMBER DI HESUS.

MANDA BO PALABRA Y SANA TUR MI FAMIANAN TATA SANTU.

TUR ESAKINAN MI TA PIDIBO DEN NÒMBER DI HESUS. AMEN